Kami nagapahibalo nga adunay mga team sa BLCI nga nagpahigayon sa pag-inspection sa tagsa-tagsa ka mga connection ngadto sa atong mga residential consumers. Gihimo kini aron maka siguro nga ang atong mga connection sa atong mga panimalay “SAFE NA BA” kung ma ke-energize na kita ug kurente aron malikayan ang disgrasya.
Kung ang inyong lugar declared na nga “SAFE”, si BLCI mupahigayon sa pag-distribute ug kurente dihang dapita. Apan, kadtong mga kunsumidor nga adunay problema sa ilahang mga connection (internal), among gi awhag nga magpatan-aw daan sa mga private electrician aron maandam ang inyohang palitunon nga mga materyales ug maplastar kini. Sa ingon niana, mas madali ang proseso sa pagpabalik sa supply sa kurente ngadto sa mga apektadong mga kabalayan.
Karong adlawa, adunay na kitay pipila ka mga kabalayan nga napasiga na, human na declarar sa atong inspection team ang siguridad sa ilang mga connection sa ilang mga lugar.
Kami manghinaot sa inyong supporta ug makanunayong pagsabot.
Daghang Salamat.
From: BLCI Management
